• Hagsmunir íslenskra fyrirtækja og almennings vegna Brexit tryggðir með sérstöku bráðabirgðasamkomulagi við Bretland sem tryggir óbreytt kjör í öllum meginatriðum. Viðræður langt komnar um framtíðarsamning um fríverslun og margháttuð réttindamál við Breta. Sérstök samstarfsyfirlýsing til næstu tíu setur ramma um mikilvæga hagsmuni Íslands í samskiptum við Bretland.

• Ný Íslandsstofa, þar sem kraftar atvinnulífs og stjórnvalda eru sameinaðir í þeim tilgangi að auka hér útflutningsverðmæti og bæta þar með lífskjör.

• Ný útflutningsstefna sem byggir á sex stefnumarkandi áherslum:

• Orka og grænar lausnir
• Hugvit, nýsköpun og tækni
• Listir og skapandi greinar
• Ferðaþjónusta
• Sjávarútvegur
• Sérhæfð matvæli og náttúruafurðir

• Samstarf við Business Sweden en þar með fá íslensk fyrirtæki aðgang að tengslaneti sem er 40 sinnum stærra en okkar.

• Samningurinn er sá fyrsti sinnar tegundar sem gerður er hér á landi og tryggir  íslenskum fyrirtækjum mun betri stuðning á erlendum mörkuðum en áður.

• Samstarfssamningur við atvinnulífið sem felur í sér að stjórnvöld og atvinnulífið taka höndum saman um að efla þjónustu við útflutnings- og markaðsmál íslenskra fyrirtækja til að auka slagkraft þeirra á erlendum mörkuðum.

• Þróunarfræ: Nýr nýsköpunarsjóður fyrir þróunarsamvinnu

• Sjóður fyrir atvinnulífið að sækja í til þess að vinna að verkefnum í þróunarríkjum og með sérstaka áherslu á nýsköpun.

• Heimstorg Íslandsstofu

• Þjónustuborð fyrir fyrirtæki sem leita viðskiptatækifæra í þróunarlöndum og víðar. Torgið miðlar upplýsingum til íslenskra fyrirtækja um tækifæri á sviði uppbyggingar- og þróunarverkefna víða um heim. Með Heimstorginu mætum við skýru ákalli frá þróunarríkjunum sjálfum um aukna þátttöku til sjálfbærrar atvinnu- og efnahagsuppbyggingar.

• Samstarfssjóður atvinnulífs og íslenskra stjórnvalda um Heimsmarkmiðin.

• Sjóðurinn er ætlaður samstarfsverkefnum fyrirtækja í þróunarríkjum og lögð er sérstök áhersla á að verkefni styðji við Heimsmarkmið nr. 8 um mannsæmandi atvinnu og sjálfbæran hagvöxt.

• Stofnun Rússnesk-íslenska viðskiptaráðsins

• Fríverslunarsamningur Íslands og EFTA ríkjanna við Indónesíu samþykktur

• Undirritun tvísköttunarsamnings við Japan

• Ásamt þýðingarmiklu efnahagssamráð við Japan og og samkomulagi við japönsk stjórnvöld sem greiðir fyrir beinum flugsamgöngum við Ísland.

• Fríverslunarsamningurinn við í Kína festur í sessi með undirritun bókana við hann sem veita íslenskum útflutningsfyrirtækjum ný og spennandi tækifæri. 

• Þær varða meðal annars viðurkenningu á heilbrigðisstöðlum fyrir fiskafurðir, fiskimjöl og lýsi og ull og gærur, til viðbótar við fyrri bókun um heilbrigðisvottun á íslensku lambakjöti.

• Undirritun sjö loftferðasamninga.

• Ber þar hæst samningurinn við Bretland. Einnig voru þrír samningar áritaðir við Úkraínu, Marokkó og Mósambík sem heimilar að þeim sé beitt. Þetta skiptir eyþjóð sem reiðir sig á greiðar samgöngur og útflutning miklu máli.

• Verkefnin Bláa lífhagkerfið (Blue BioEconomy) , sem snýr einkum að aukinni verðmætasköpun í sjávarútvegi og fullnýtingu og ARENA II sem miðar að því að auka þekkingu á sjálfbærum orkulausnum á Norðurslóðum samþykkt en þau eru á áherslusviði Íslands við formennsku okkar í Norðurskautsráðinu. 

• Skýrsla um efnahagstækifæri á Norðurslóðum, Norðurljós, með 57 tillögum um hvernig Ísland geti sem best staðið að því að vernda og efla efnahagslega hagsmuni Íslands á norðurslóðum til framtíðar.

• Endurskoðun á tollasamningi við Evrópusambandið hafin að frumkvæði Guðlaugs Þórs. Markmiðið að semja um betri kjör enda samningurinn frá 2014 mjög óhagstæður Íslendingum.

• Efnahagssamráð Íslands og Bandaríkjanna fest í sessi eftir árangursríka fundi Guðlaugs Þórs með Mike Pompeo utanríkisráðherra Bandaríkjanna og Mike Pence varaforseta Bandaríkjanna. Sérstök löggjöf um aðgang íslenskra sérfræðinga og fjárfesta að bandarískum mörkuðum í undirbúningi á Bandaríkjaþingi.

• Ísland í forystu 36 ríkja sem fluttu sameiginlega yfirlýsingu vegna mannréttindaástands í Sádi-Arabíu á fundi mannréttindaráðs Sameinuðu þjóðanna. Þetta var í fyrsta skipti sem fjallað var um stöðuna í Sádi-Arabíu með svo afgerandi hætti í mannréttindaráðinu og markaði þáttaskil því á vettvangi ráðsins hefur aldrei náðst slík samstaða um gagnrýni á sádiarabísk stjórnvöld fyrir að fangelsa konur og karla fyrir það eitt að beita sér fyrir bættum réttindum kvenna í landinu.

• Mannréttindaráðið samþykkti ályktun Íslands um mannréttindaástand á Filippseyjum vegna fíkniefnastríðs filippeyskra stjórnvalda.

• Ályktun Íslands í mannréttindaráð Sameinuðu þjóðanna að jöfnum launum karla og kvenna. Hún var samþykkt án atkvæðagreiðslu og voru meðflutningsríki ályktunarinnar á sjöunda tug.

• Ísland bar þar upp fleiri tilmæli er vörðuðu LGBTI-réttindi en nokkurt annað ríki í mannréttindaráðinu. Raunar námu tilmæli Íslands þar alls tíu prósentum þeirra tilmæla sem fram komu um réttindi hinsegin fólks.

• 13 milljónum króna varið sérstaklega til UN Free & Equal, sérstaks verkefnis sem skrifstofa mannréttindafulltrúa Sameinuðu þjóðanna (OHCHR) heldur utan um til að vinna að útbreiðslu réttinda hinsegin fólks hvarvetna í heiminum.

• Skrifað var undir samstarfssamninga við Síerra Leóne og Líberíu fyrr á þessu ári um ný samstarfsverkefni sem styðja við heimsmarkmið nr. 14, líf í vatni, um sjálfbæra nýtingu sjávarauðlinda og verndun hafsins.

• Bættur aðgangur að mæðravernd og fæðingarþjónustu opnun nýrrar fæðingadeildar í Mangochi í Malaví.

• Styrkur til átaksverkefna til að tryggja skólagöngu stúlkna í Síerra Leóne.

• Styrkur til átaksverkefna Mannfjöldasjóðs Sameinuðu þjóðanna (UNFPA) víða um heim til að bæta fæðingatengda heilbrigðisþjónustu fyrir mæður í þróunarlöndum.

• Efling borgaraþjónustunnar til að mæta nýrri og meiri þjónustuþörf en nokkru sinni áður

• Skráningagrunnur settur upp með hraði til að fylgjast með stöðu íslendinga erlendis og koma nauðsynlegum upplýsingum til þeirra án tafa. Nær 12.000 manns skráðu sig í grunninn og yfir 13.000 erindi hafa verið skráð hjá borgaraþjónustunni þar sem ⅔ tengdust Covid-19.

• Einnig má nefna sérstakan stuðning við þjálfun heilbrigðisstarfsfólks í Malaví, skólamáltíðir í Úganda, baráttuna gegn kynbundnu ofbeldi í Síerra Leóne og stuðning við fjölþjóðlegar aðgerðir Sameinuðu þjóðanna, þar á meðal til sérstaks COVID-19 mannúðar­ákalls og þróunarsjóðs vegna COVID-19.

• Utanríkisráðuneytið er eitt af einungis tveimur ráðuneytum sem hefur tekist að draga saman útgjöld frá útgjöld að raungildi frá því sem var fyrir síðasta efnahagshrun, og það þrátt fyrir aukin umsvif.

• Ítarlega skýrsla á aldarfjórðungsafmæli EES samningsins um kosti og galla samningsins er grundvöllur að bættri framkvæmd þessa mikilvæga samnings.

• Öflugri hagsmunagæsla á fyrstu stigum með fjölgun fulltrúa fagráðuneyta í Brussel.

• Á grundvelli EES samningsins knúði Ísland Evrópusambandið til að falla frá útfluningsbanni til Íslands á lækningavörur og bóluefni við kórónuveirunni.

• Unnið á uppsöfnuðum upptökuhalla EES gerða sem hefur ekki verið minni í sex ár.

• Utanríkisráðherra ítrekaði á fundi EES-ráðsins í dag að ekki kæmi til greina að Ísland tæki upp tilskipun um innistæðutrygginga nema að tryggt væri að þeim fylgdi ekki ríkisábyrgð.

• Nýr gagnagrunnur um EES tekinn í gagnið sem auðveldar fyrirtækjum og almenningi að hafa yfirsýn yfir réttindi sín og skyldur, sem og nýjar reglur í mótun

• Varnarmálaskrifstofa utanríkisráðuneytisins endurreist, ásamt sérstakri deild um netöryggismál og fjölþátta ógnir.

• Uppbygging og endurnýjun varnarmannvirkja fyrir tæplega 30 milljarða.

• Aukin áhersla á norrænt samstarf í öryggis- og varnarmálum, til að mynda með skýrslu  Björns Bjarnasonar um norrænt samstarf á sviði utanríkis- og öryggismála sem skrifuð var í umboði varnarmálaráðherra allra norrænu ríkjanna.

• Aðild Íslands að netöryggissetri Evrópuríkja að komast í höfn.

• Samkomulag gert við Bretland á sviði öryggismála sem tekur til þátta er varða varnar- og öryggismál sem og löggæslumála. Þar má t.a.m. nefna eftirlit í lofti og á sjó, hryðjuverkavarnir, skipulagða glæpastarfsemi, nútíma þrælahald, netöryggi og leit og björgun. 

• Aðild að samstarfsvettvangi líkt þenkjandi ríkja í Norður-Evrópu um öryggis- og varnarmál sem Bretar leiða undir merkjum sameiginlegrar viðbragðssveitar (e. Joint Expeditionary Force, JEF)