gudlaugurthor.is

Sláandi upplýsingar um íslenska fiskiskipaflotann

Gudlaugurthor — Tue, 14 Feb 2012 15:06:14 +0000

Að fenginni reynslu vitum við íslendingar að öryggismál sjómanna skipta miklu máli. Það hlýtur að vera áhyggjuefni hversu mikið íslenski fiskiskipaflotinn hefur elst á undanförnum árum.

Svar innanríkisráðherra við fyrirspurn minni sýnir að endurnýjun er mjög hæg og frá árinu 1998 hefur meðaldur flotans hækkað úr 18 árum í 24 ár.

Meðalaldur skipa frá 15-45 metra er 35 ár. Þetta eru 197 skip.

Í umræðu um breytingar á sjávarútvegsstefnunni hef ég ekki heyrt minnst á öryggismál sjómanna. Ég vona að það verði breyting þar á.

Hér er svar Innanríkisráðherra

Svar

innanríkisráðherra við fyrirspurn Guðlaugs Þórs Þórðarsonar um meðalaldur fiskiskipa.

Fyrirspurnin hljóðar svo:
Hver hefur meðalaldur skráningarskyldra íslenskra fiskiskipa verið síðustu 15 ár, sundurliðað eftir árum og gjaldflokkum skv. 1. mgr. 28. gr. laga um eftirlit með skipum?

Svar við fyrirspurninni kemur fram í eftirfarandi töflu:

Meðalaldur skráningarskyldra íslenskra fiskiskipa 1998–2012.

1. jan. hvers árs		<8 m	8–15 m	15–24 m	24–45 m	45–60 m	³ 60 m	Alls
1998	meðalaldur	17	16	28	26	21	25	18
	fjöldi skipa	992	634	125	181	78	19	2.029
1999	meðalaldur	19	17	29	27	22	26	19
	fjöldi skipa	902	633	120	182	74	21	1.932
2000	meðalaldur	17	16	29	28	22	28	19
	fjöldi skipa	932	646	119	181	72	20	1.970
2001	meðalaldur	18	16	29	29	24	28	19
	fjöldi skipa	932	665	120	180	69	21	1.987
2002	meðalaldur	18	17	28	30	25	24	20
	fjöldi skipa	922	680	128	184	65	27	2.006
2003	meðalaldur	19	18	29	31	25	24	20
	fjöldi skipa	871	676	124	176	66	26	1.939
2004	meðalaldur	19	17	30	32	25	25	20
	fjöldi skipa	826	681	118	162	64	25	1.876
2005	meðalaldur	20	17	31	33	26	25	21
	fjöldi skipa	779	694	113	152	62	28	1.828
2006	meðalaldur	21	17	32	34	27	26	21
	fjöldi skipa	714	703	111	147	54	27	1.756
2007	meðalaldur	21	17	33	35	28	26	22
	fjöldi skipa	660	707	108	139	54	28	1.696
2008	meðalaldur	21	17	34	34	29	26	22
	fjöldi skipa	634	696	105	137	46	28	1.646
2009	meðalaldur	22	18	33	34	29	26	22
	fjöldi skipa	589	657	95	123	43	26	1.533
2010	meðalaldur	23	19	34	34	30	27	23
	fjöldi skipa	629	677	91	122	41	26	1.586
2011	meðalaldur	24	20	34	34	31	28	24
	fjöldi skipa	672	689	83	120	40	25	1.629
2012	meðalaldur	25	20	35	35	32	29	24
	fjöldi skipa	683	712	81	116	41	26	1.659

Hversu margar íbúðir eru í eigu bankanna og Íls og hvar eru þær?

Gudlaugurthor — Tue, 14 Feb 2012 14:52:57 +0000

Fyrirspurn

til velferðarráðherra um íbúðir í eigu Íbúðalánasjóðs, banka og lífeyrissjóða.Frá Guðlaugi Þór Þórðarsyni.

Hversu margar íbúðir eru nú í eigu Íbúðalánasjóðs, banka og lífeyrissjóða, sundurliðað eftir sveitarfélögum og póstnúmerum?

Skriflegt svar óskast.

Er auðlegðarskattur eignarnám?

Gudlaugurthor — Tue, 14 Feb 2012 14:49:53 +0000

Fyrirspurn

til fjármálaráðherra um auðlegðarskatt, eignarnám og skattlagningu.

Frá Guðlaugi Þór Þórðarsyni.

1.     Hefur ráðherra látið kanna mörk auðlegðarskatts og eignarnáms?
2.     Er það eignarnám eða getur það talist eðlileg skattlagning að 2% auðlegðarskattur í þrjú ár er tæp 6% skattlagning á eignir?
3.     Hefur ráðherra hugleitt hversu stór hluti skattstofns við skattlagningu fjáreignatekna er verðleiðrétting, þ.e. verðbætur á verðtryggðum innlánsreikningum og gengismun á innlendum gjaldeyrisreikningum, og vextir?
4.     Mun ráðherra halda fast við álagningu afturvirkra skatta við innlausn spariskírteina ríkissjóðs þegar vextir ávinnast þegar fjáreignaskattar eru 10%, 15% 18% og 20%, en spariskírteinin eru innleyst þegar fjáreignatekjuskattur er 20%?
5.     Mun ráðherra við álagningu skatta virða eignarréttarákvæði 72. gr. stjórnarskrárinnar sem og ákvæði 2. mgr. 77. gr. stjórnarskrárinnar um bann við afturvirkri skattlagningu?

Hestamennska á ekki bara að vera fyrir ríkt fólk!

Gudlaugurthor — Thu, 09 Feb 2012 14:19:55 +0000

Gríðarlegar hækkanir hafa orðið á fasteignagjöldum hjá eigendum hesthúsa. Kemur það í kjölfar þess að yfirfasteignamatsnefnd ríkisins úrskurðaði að hestús í Árborg skyldi sett í flokk C.

Vegna þessa hef ég sent formanni Efnahags- og viðskiptanefndar bréf og lagt til við hann að nefndin leggi til við þingið breytingu á lögum laga nr. 4/1995 um tekjustofna sveitarfélaga. Sjá tillögu.

Ástæðan er einföld. Hestaíþróttir eru almennings- og fjölskylduíþrótt á Íslandi og ég vil að þannig verði það áfram.

TILLAGA

Lagt er til að við upptalninguna í a. lið 3. mgr. 3. gr. laga nr. 4/1995 um tekjustofna sveitarfélaga verði bætt við hesthúsum í þéttbýli.

Greinargerð:

Samkvæmt núgildandi lögum falla hesthús í dreifbýli þ.e. á bújörðum undir a. lið 3. mgr. 3. gr. laga nr. 4/1995. Þannig að núna er lagður mismunandi fasteignaskattur á sömu tegundir eigna eftir því hvar þau eru staðsett þ.e. hærri skattur er á hesthús sem eru í þéttbýli. Verður þetta fyrirkomulag að teljast mjög óeðlilegt m.a. með tilliti til jafnræðis en það er alkunn regla að allir skulu vera jafnir þegar að skattlagningu kemur.

Það skal einnig tekið fram að hesthús í þéttbýli eru að miklum meirihluta notuð undir frístundaiðkun eigenda. Fjöldi manns stundar hestamennsku í frístundum og hefur fjárfest í hesthúsum vegna þessa. Í stað þess að fjárfesta t.d. í frístundahúsum (sumarbústöðum), sem falla undir a. lið 3. mgr. 3. gr., hefur fólk ákveðið að fjárfesta í hesthúsum.

II. kafli. Um fasteignaskatt.
3. gr. [Leggja skal árlega fasteignaskatt á allar fasteignir sem metnar eru í fasteignamati 31. desember á næstliðnu ári samkvæmt [fasteignaskrá],¹⁾ sbr. þó 4. mgr. 4. gr. og 5. gr.
Stofn til álagningar fasteignaskatts á allar fasteignir skal vera fasteignamat þeirra.
Sveitarstjórn ákveður fyrir lok árs skatthlutfall næsta árs innan þeirra marka sem greinir í a- og c-lið. Skatthlutfall skal vera sem hér segir:
a. Allt að 0,5% af fasteignamati:
Íbúðir og íbúðarhús ásamt lóðarréttindum, erfðafestulönd í dreifbýli og jarðeignir, útihús og mannvirki á bújörðum sem tengd eru landbúnaði, öll hlunnindi og sumarbústaðir ásamt lóðarréttindum.
b. 1,32% af fasteignamati ásamt lóðarréttindum:
Sjúkrastofnanir samkvæmt lögum um heilbrigðisþjónustu, skólar, heimavistir, leikskólar, íþróttahús og bókasöfn.
c. Allt að 1,32% af fasteignamati, ásamt lóðarréttindum:
Allar aðrar fasteignir, svo sem iðnaðar-, skrifstofu- og verslunarhúsnæði, fiskeldismannvirki, veiðihús og mannvirki sem nýtt eru fyrir ferðaþjónustu.
Heimilt er sveitarstjórn að hækka um allt að 25% hundraðshluta þá sem tilgreindir eru í a- og c-liðum 3. mgr. þessarar greinar, öðrum eða báðum stafliðum.
Í sveitarfélagi þar sem bæði er þéttbýli og dreifbýli er sveitarstjórn heimilt að undanþiggja fasteignir í dreifbýli og sumarhús álagi á fasteignaskatt skv. 4. mgr.]²⁾

Gleymdir þú ekki einhverju Gylfi?

Gudlaugurthor — Thu, 09 Feb 2012 11:55:40 +0000

Gagnrýnin hugsun hefur ekki átt upp á pallborðið í íslenskri þjóðmálaumræðu. Umræða um málefni lífeyrissjóða hefur verið því marki brennd fram til þessa og það hefur verið áhugavert að fylgjast með henni í kjölfar þeirrar skýrslu sem lífeyrissjóðirnir létu sjálfir gera og var kynnt var nú fyrir helgi. Skýrslan sýnir að tap lífeyrissjóðanna var verulegt og augljóst er að það þarf að fara málefnalega og af yfirvegun yfir starfsemi þeirra og starfsumhverfi.

Áhugaverðast hefur þó verið að fylgjast með skrifum formanns ASÍ sem hefur gagnrýnt skýrsluna harðlega. Hann færir fyrir því rök að tapið hafi ekki verið svo mikið eftir allt saman og einnig hefur verið bent á að tapið sé svipað og hjá öðrum lífeyrissjóðum í Evrópu.

Sérfræðingahópur Jóhönnu

Gylfi minnist hinsvegar ekki á að stærsta einstaka ástæðan fyrir ávöxtun lífeyrissjóðanna eftir bankahrun er verðtryggingin. Hann gleymir líka að nefna að Jóhanna Sigurðardóttir þáverandi félags- og tryggingamálaráðherra fól honum þann 27. október 2008 að leiða sérfræðingahóp sem falið hefur verið að skoða hvort og þá hvaða leiðir séu færar til að bregðast við vanda lántakenda vegna verðtryggingar. Samfylkingin þekkir vel til þessa hóps þar sem að einn af þingmönnum hennar Sigríður Ingibjörg Ingadóttir var starfsmaður hópsins.

Niðurstaða hópsins var að taka ekki á vanda lántakenda með verðtryggð lán. Síðan þá hefur verðtryggingin kostað lántakendur um það bil 220 milljarða króna. Þetta er þungur baggi fyrir heimilin í landinu og hefur átt sinn þátt í að skapa það ófremdarástand sem nú ríkir í fjármálum heimila landsins. Það er mitt mat að, sama hvaða skoðanir fólk hefur á verðtryggingunni, geti fáir mótmælt því að ef einhvern tímann var nauðsynlegt að taka hana úr sambandi, í það minnsta kosti tímabundið, þá var það í kjölfar vinnu Gylfa og sérfræðingahópsins.

Reikningurinn sendur á skuldug heimili

Ákvörðun Gylfa og sérfræðingahópsins hafði það hins vegar í för með sér að hægt var að „fela“ tap lífeyrissjóðanna þannig að það væri mun minna en raun bar vitni. Það má færa sannfærandi rök fyrir því að í þessari ákvörðunartöku hafði Gylfi ekki haft hagsmuni umbjóðenda sinna í ASÍ að leiðarljósi því hið raunverulega tap lífeyrissjóðanna færðist beint yfir á skuldug heimili í gegnum verðtrygginguna. Þau borga allt í boði Gylfa og Jóhönnu.

ASÍ, Samfylkingin og ESB

Í stað þess að gæta hagsmuna launafólks gerir Gylfi hvað hann getur til að koma þjóðinni inn ESB. Hann er einn af fáum einstaklingum í Evrópu sem dásamar Evruna og er búinn að setja áróðursmaskínu ASÍ í að reyna að fegra hana eins mikið og kostur er. Í þeirri umræðu nefnir hann ekki útgjöld þeirra sem að búa í ESB við að halda henni á lífi.

Það er algjör samhljómur á milli hans og Samfylkingarinnar þar sem að þessi stjórnmálaöfl segja í fullri alvöru að ekkert er hægt að gera í verðtryggingarmálum þjóðarinnar nema að taka upp Evru! Þetta er fullkominn fyrirsláttur. Ef formaður ASÍ og forsætisráðherra eru svona mikið á móti verðtryggingunni af hverju lögðu þessir aðilar ekki til að kippa henni tímabundið úr sambandi á þeim tímapunkti sem að það hefði skilað launþegum þessa lands raunverulegum kjarabótum?

Þetta hlýtur að ganga núna!

Gudlaugurthor — Thu, 02 Feb 2012 11:20:24 +0000

Jóhanna Sigurðardóttir forsætisráðherra talaði um það í þinginu væri nú lítið mál að upplýsa um nýju einkavæðingu bankanna áðan. Fyrr í vikunni gaf fjármálaráðherra fyrirheit um stefnubreytingu hjá ríkisstjórninni hvað varðar upplýsingar til þings og þjóðar. Ráherra talaði eins og nú færi ríkisstjórnin að upplýsa um hluti sem að ekki hefur verið nokkur leið að fá upplýsingar um fram til þessa. Þrátt fyrir ótal tilraunir. Það er hægt að nálgast orðskiptin okkar hér.

Bréfið sem að ég sendi til ritara Efnahags- og viðskiptanefndar er hér:

Sæll Eiríkur Áki

Ég fer fram á að fá öll fylgigögn með hluthafasamkomulögunum sem gerð voru þegar að ríkisstjórn Jóhönnu Sigurðardóttur gekk frá samkomulagi á milli gömlu og nýju bankanna. Ég hef fengið samkomulögin sjálf en það vantar öll fylgiskjöl.

Einnig vil ég fá fylgiskjölin með kaupsamningi á milli Byrs og Íslandsbanka.

Kær kveðja

GÞÞ

p.s Ég geri ráð fyrir því að fá þessi gögn fljótt ekki síst í ljósi yfirlýsinga fjármála- og forsætisráðherra.

Beiðni um að fá Umboðsmann skuldara á fund Efnahags- og viðskiptanefndar

Gudlaugurthor — Wed, 01 Feb 2012 13:10:37 +0000

Ég fór fram á að fá Umboðsmann skuldara á fund nefndarinnar til að ræða:

1. Hraði mála

2. Umfang og kostnað af starfsemi embættisins

3. Árangur fyrir skuldara

4. Persónuupplýsingar þeirra sem að leita til embættisins

5. Tilfærsla lána til Dróma og gagnrýni Umboðsmanns á þann gjörning.

6. Staða skuldara gagnvart mismunandi fjármálastofnunum

7. Önnur mál

Fyrirspurn til fjármálaráherra

Gudlaugurthor — Wed, 01 Feb 2012 08:53:52 +0000

140. löggjafarþing 2011–2012.
Þingskjal 738 — 483. mál.

Fyrirspurn

til fjármálaráðherra um auðlegðarskatt, eignarnám og skattlagningu.

Frá Guðlaugi Þór Þórðarsyni.

Skriflegt svar óskast.

Ég og Helgi Hjörvar í bítinu á Bylgjunni

Gudlaugurthor — Tue, 31 Jan 2012 11:17:36 +0000

Ég og Helgi Hjörvar ræddum skýrslu Hagfræðistofnunar um skuldaleiðréttingar í bítinu.

Hægt er að nálgast upptökuna hér.

Vikulokin 21. janúar. Ég, Guðfríður Lilja og Margrét Tryggvadóttir

Gudlaugurthor — Mon, 30 Jan 2012 23:05:58 +0000

Var í vikul0kunum hjá Önnu Margréti. Við ræddum fréttir vikunnar en þó aðallega Landsdómsmálið.

Upptakan er hér.