Currently viewing the category: "Frumvörp"

Hestamennska á ekki bara að vera fyrir ríkt fólk!

On · Leave a Comment · In Alþingi, Efnahags- og viðskiptanefnd, Frumvörp, Hestaíþróttir

Gríðarlegar hækkanir hafa orðið á fasteignagjöldum hjá eigendum hesthúsa. Kemur það í kjölfar þess að yfirfasteignamatsnefnd ríkisins úrskurðaði að hestús í Árborg skyldi sett í flokk C.

Vegna þessa hef ég sent formanni Efnahags- og viðskiptanefndar bréf og lagt til við hann að nefndin leggi til við þingið breytingu á lögum laga nr. 4/1995 um tekjustofna sveitarfélaga. Sjá tillögu.

Ástæðan er einföld. Hestaíþróttir eru almennings- og fjölskylduíþrótt á Íslandi og ég vil að þannig verði það áfram.

 

TILLAGA

 

Lagt er til að við upptalninguna í a. lið 3. mgr. 3. gr. laga nr. 4/1995 um tekjustofna sveitarfélaga verði bætt við hesthúsum í þéttbýli.

 

Greinargerð:

Samkvæmt núgildandi lögum falla hesthús í dreifbýli þ.e. á bújörðum undir a. lið 3. mgr. 3. gr. laga nr. 4/1995.  Þannig að núna er lagður mismunandi fasteignaskattur á sömu tegundir eigna eftir því hvar þau eru staðsett þ.e. hærri skattur er á hesthús sem eru í þéttbýli.  Verður þetta fyrirkomulag að teljast mjög óeðlilegt m.a. með tilliti til jafnræðis en það er alkunn regla að allir skulu vera jafnir þegar að skattlagningu kemur.

 

Það skal einnig tekið fram að hesthús í þéttbýli eru að miklum meirihluta notuð undir frístundaiðkun eigenda.  Fjöldi manns stundar hestamennsku í frístundum og hefur fjárfest í hesthúsum vegna þessa.  Í stað þess að fjárfesta t.d. í frístundahúsum (sumarbústöðum), sem falla undir a. lið 3. mgr. 3. gr., hefur fólk ákveðið að fjárfesta í hesthúsum.

 

 

II. kafli. Um fasteignaskatt.
3. gr. [Leggja skal árlega fasteignaskatt á allar fasteignir sem metnar eru í fasteignamati 31. desember á næstliðnu ári samkvæmt [fasteignaskrá],1) sbr. þó 4. mgr. 4. gr. og 5. gr.
Stofn til álagningar fasteignaskatts á allar fasteignir skal vera fasteignamat þeirra.
Sveitarstjórn ákveður fyrir lok árs skatthlutfall næsta árs innan þeirra marka sem greinir í a- og c-lið. Skatthlutfall skal vera sem hér segir:
a. Allt að 0,5% af fasteignamati:
Íbúðir og íbúðarhús ásamt lóðarréttindum, erfðafestulönd í dreifbýli og jarðeignir, útihús og mannvirki á bújörðum sem tengd eru landbúnaði, öll hlunnindi og sumarbústaðir ásamt lóðarréttindum.
b. 1,32% af fasteignamati ásamt lóðarréttindum:
Sjúkrastofnanir samkvæmt lögum um heilbrigðisþjónustu, skólar, heimavistir, leikskólar, íþróttahús og bókasöfn.
c. Allt að 1,32% af fasteignamati, ásamt lóðarréttindum:
Allar aðrar fasteignir, svo sem iðnaðar-, skrifstofu- og verslunarhúsnæði, fiskeldismannvirki, veiðihús og mannvirki sem nýtt eru fyrir ferðaþjónustu.
Heimilt er sveitarstjórn að hækka um allt að 25% hundraðshluta þá sem tilgreindir eru í a- og c-liðum 3. mgr. þessarar greinar, öðrum eða báðum stafliðum.
Í sveitarfélagi þar sem bæði er þéttbýli og dreifbýli er sveitarstjórn heimilt að undanþiggja fasteignir í dreifbýli og sumarhús álagi á fasteignaskatt skv. 4. mgr.]2)

Frumvarp um að leggja niður Bankasýsluna

On · Leave a Comment · In Frumvörp

Frumvarp til laga

um brottfall laga um Bankasýslu ríkisins, nr. 88/2009.

Flm.: Guðlaugur Þór Þórðarson, Ragnheiður Elín Árnadóttir,

Sigurður Kári Kristjánsson.

1. gr.

    Bankasýsla ríkisins, sem starfar á grundvelli laga nr. 88/2009, skal lögð niður.

2. gr.

    Lög þessi öðlast þegar gildi og falla þá úr gildi lög nr. 88/2009.

Greinargerð.

    Með frumvarpi þessu er lagt til að Bankasýsla ríkisins verði lögð niður. Bankasýslunni var komið á fót með lögum nr. 88/2009 og var ætlað að fara með eignarhluti ríkisins í fjármálafyrirtækjum og leggja þeim til fé fyrir hönd ríkisins á grundvelli heimildar í fjárlögum. Nú hafa tveir viðskiptabankanna verið seldir, þ.e. Arion banki og Íslandsbanki, sem leiðir til þess að Bankasýslan er í raun heil stofnun utan um bankaráð Landsbankans auk þess sem hún fer með eignarhlut ríkissjóðs í Sparisjóði Norðfjarðar.

Í 2. mgr. 1. gr. laga um Bankasýslu ríkisins kemur fram að stofnunin fari ,,með eignarhluti ríkisins í fjármálafyrirtækjum, í samræmi við lög, góða stjórnsýslu- og viðskiptahætti og eigendastefnu ríkisins á hverjum tíma, og leggur þeim til fé fyrir hönd ríkisins á grundvelli heimildar í fjárlögum“. Auk þess segir í 3. mgr. sömu greinar að tryggja beri gagnsæi í allri ákvarðanatöku varðandi þátttöku ríkisins í fjármálastarfsemi og tryggja eigi virka upplýsingamiðlun til almennings. Þá kemur fram í 4. gr. að Bankasýslan hafi eftirlit með eigendastefnu ríkisins eins og hún er á hverjum tíma. Viðskiptanefnd Alþingis hafði aðkomu að gerð verklagsreglna um fjárhagslega endurskipulagningu fyrirtækja sem Samtök fjármálafyrirtækja og bankarnir settu. Nú hefur Landsbankinn, þ.e. ríkisbanki, selt nokkur stórfyrirtæki til Framtakssjóðs lífeyrissjóðanna. Einhver mundi ætla að stofnun sem á að hafa eftirlit með ríkisbankanum mundi gera athugasemdir við að hann færi ekki eftir eigendastefnu ríkisins en það er öðru nær. Í fréttum kom fram að forstöðumaður Bankasýslunnar hefði sagt að á heildina litið væri sala Landsbankans á eignarhaldsfélaginu Vestiu til lífeyrissjóðanna jákvæð þótt söluferlið hefði ekki verið gagnsætt. Málið horfði öðruvísi við því lífeyrissjóðir keyptu. Fram kom á fundi í viðskiptanefnd að Bankasýslan hefði verið með í ráðum um söluna en farið var fram hjá verklagsreglunum með samþykki stofnunarinnar.

Í frumvarpi til fjárlaga 2011 er gert ráð fyrir að tæpar 56 millj. kr. fari í rekstur Bankasýslunnar. Það væri hægt að spara þá peninga með því að leggja stofnunina niður og færi fjármálaráðuneytið þá með eignarhlut ríkisins, eins og venja er þegar ríkið á fyrirtæki í heild eða að hluta, fyrir minni tilkostnað.